8 чэрвеня 2021 г. — 75 гадоў з дня нараджэння Валерыя Аляксандравіча Лойкі (1946), вучонага ў галіне фізічнай оптыкі
Валерый Аляксандравіч Лойка нарадзіўся 8 чэрвеня 1946 г. у в. Саўцавічы Гарадзішчанскага раёна Баранавіцкай вобласці (цяпер Баранавіцкага раёна Брэсцкай вобласці).
24 снежня 2021 г. — 85 гадоў з дня нараджэння Расціслава Афанасьевіча Жмойдзяка (1936–2018), беларускага географа, картографа, прафесара, заслужанага работніка народнай адукацыі Беларусі (1992)
Расцiслаў Афанасьевiч Жмойдзяк нарадзіўся 24 снежня 1936 г. у в. Яжона Баранавіцкага павета Навагрудскага ваяводства (цяпер Падгорнаўскага сельсавета Баранавіцкага раёна Брэсцкай вобласці). Вучыўся ў Яжонскай пачатковай школе, у Падгорнаўскай сямігадовай школе. У 1950–1954 гг. вучыўся ў Ганцавіцкім педагагічным вучылішчы, якое скончыў на выдатна. Паступіў на геаграфічны факультэт Беларускага дзяржаўнага ўніверсітэта імя У. І. Леніна, які скончыў па спецыяльнасці «эканамічная геаграфія».
20 лістапада 2021 г. — 80 гадоў з дня нараджэння Аркадзя Аляксандравіча Грэся (1941), вучонага ў галіне ўралогіі, выдатніка аховы здароўя
Аркадзь Аляксандравіч Грэсь нарадзіўся 20 лістапада 1941 г. у в. Жабінцы Гарадзішчанскага раёна Баранавіцкай вобласці (цяпер Баранавіцкага раёна Брэсцкай вобласці) у сялянскай сям’і. У 1950-я гг. сям’я перабралася ў г. Баранавічы, дзе Аркадзь закончыў сярэднюю школу (1958). Хацеў вучыцца далей, выбраў лячэбны факультэт Гродзенскага дзяржаўнага медыцынскага інстытута, які закончыў у 1964 г.
20 сакавіка 2021 г. — 75 гадоў з дня нараджэння Канстанціна Іванавіча Баландзіна (1946), гісторыка, культуролага, заслужанага работніка адукацыі Рэспублікі Беларусь (2021)
Канстанцін Іванавіч Баландзін нарадзіўся 20 сакавіка 1946 г. у в. Крошын Баранавіцкага раёна Баранавіцкай (цяпер Брэсцкай) вобласці ў сям’і рабочых. Закончыў сярэднюю школу ў Баранавічах (1963), Мінскі дзяржаўны педагагічны інстытут імя А. М. Горкага па спецыяльнасці «гісторыя» (1969).
16 верасня 2021 г. — 90 гадоў з дня нараджэння Пятра Фёдаравіча Лысенкі (1931–2020), археолага, лаўрэата Дзяржаўнай прэміі Рэспублікі Беларусь (2003), Ганаровага грамадзяніна г. Пінска
Пётр Фёдаравіч Лысенка нарадзіўся 16 верасня 1931 г. у в. Зарачаны Полацкага раёна Віцебскай вобласці. У 1946 г. сям’я пераехала ў г. Пінск, Пётр вучыўся ў СШ № 2. Скончыў гістарычны факультэт Мінскага дзяржаўнага педагагічнага інстытута імя А. М. Горкага (1953). Працаваў настаўнікам гісторыі ў Бярэзінскім раёне Мінскай вобласці. Пасля службы ў Савецкай арміі вярнуўся на педагагічную працу.
30 лістапада 2021 г. — 85 гадоў з дня нараджэння Івана Платонавіча Крэня (1936–2014), гісторыка, краязнаўца, прафесара, заслужанага работніка адукацыі Беларусі (2000)
Іван Платоновіч Крэнь нарадзіўся 30 лістапада 1936 г. у в. Кузевічы Моўчадскай гміны Слонімскага павета (цяпер Баранавіцкага раёна Брэсцкай вобласці). Бацька, Платон Андрэевіч Крэнь (1896–1962), быў селянінам, але чалавекам складанага лёсу, паэтам, мемуарыстам. У 1959 г. Іван Крэнь скончыў гісторыка-педагагічны факультэт Гродзенскага педагагічнага інстытута па спецыяльнасці «Гісторыя, руская мова і літаратура».
31 кастрычніка 2021 г. — 90 гадоў з дня нараджэння Уладзіміра Барысавіча Андрэйчава (1931), былога вязня фашызму, доктара тэхнічных навук
Уладзімір Барысавіч Андрэйчаў нарадзіўся 31 кастрычніка 1931 г. у г. Днепрапятроўску (Украіна). Бацька, Барыс Рыгоравіч Андрэйчаў (1906–1998), паходзіў з Кубані, інжынер, будаўнік мастоў; у 1940 г. быў накіраваны ў Брэст на будаўніцтва чыгуначнага моста цераз Заходні Буг. У Брэсце маці, Яўгенію Андрэеўну (1908–1953), паставілі загадваць магазінам.
23 верасня 2021 г. — 80 гадоў з дня нараджэння Яўгенія Іванавіча Боўбеля (1941–2008), радыёфізіка, кандыдата фізіка-матэматычных навук
Яўгеній Іванавіч Боўбель нарадзіўся 23 верасня 1941 г. у г. Кобрыне Брэсцкай вобласці. Вучыўся ў СШ № 1, якую скончыў у 1959 г. У 1960 г. паступіў у Мінскі радыётэхнічны тэхнікум, які толькі што быў створаны. Па яго заканчэнні быў прызваны на тэрміновую службу ў Савецкую армію.
25 мая 2021 г. — 85 гадоў з дня нараджэння Івана Платонавіча Прымачука (1936), гісторыка, эканаміста, прафесара Міжнароднага гуманітарна-эканамічнага інстытута
Іван Платонавіч Прымачук нарадзіўся 25 мая 1936 г. у вёсцы Мацы Кобрынскага павета Палескага ваяводства (цяпер Кобрынскага раёна Брэсцкай вобласці). Дзяцінства прыпала на ваенныя і пасляваенныя гады. Закончыў Стрыгаўскую сярэднюю школу, што за 3 км ад роднай вёскі.
15 чэрвеня 2021 г. — 80 гадоў з дня нараджэння Івана Іванавіча Котляра (1941), спецыяліста ў вобласці рэалізацыі і абароны правоў чалавека, прафесара паліталогіі
Іван Іванавіч Котляр нарадзіўся 15 чэрвеня 1941 г. у вёсцы Балотца Навагрудскага раёна Гродзенскай вобласці. Дзяцінства прайшло ў ваенныя і пасляваенныя поўныя цяжкасцей гады, але Івана заўсёды цягнула да ведаў.